賞茶 (已結業)

經朋友介紹，試下呢間台式店，朋友非常推薦呢間既桂花烏龍，同埋芋圓仙草，其他小食都話值得試下。將軍澳呢間分店非常隔涉，響最入既位置，平時經過開都冇留意到間鋪。去到既時候，係平日既下午6:00左右，已經見到幾pair人坐響附近食芋圓仙草。今日淨係想飲野飲，又諗住加d口感，所以揀左桂花烏龍蘆薈。本身想要半糖，但職員話桂花已經係調教好，冇甜度選擇。飲落都幾好味，飲到桂花香，不過認真覺得蘆薈有影響杯茶既味道，令茶味冇咁出，反而有微微酸味。口感同味道之間抉擇，我會選擇桂花既清新味道。整體都算可以既。下次會試下佢d小食。