甜點糖水坊 (已結業)

今日食完飯，口痕痕，好似爭啲嘢，好想食甜甜，於是係兆禧睇下有咩好食。一入去就見到呢間甜點糖水坊。好，睇吓有咩好食先。桃膠椰汁雪燕，店員話呢個係新產品，試吓啦，超多桃膠同雪燕，個椰汁又甜又滑，叫左熱的，食完真係好滋潤。榴槤糯米糍，大大粒糯米糍，未切開已經聞到好香榴槤味，個糯米糍皮又薄又滑，裏面個榴槤肉好大舊。十全十美，真係咩都有，上面有好多水果，芒果好甜好大塊，裏面仲有椰汁西米同仙草，芋圓都做得好煙韌。