香河越南餐廳 (已結業)

今日係桌球日，我同幾個朋友冇打番三五七個鐘都唔會走，打到個肚餓餓地，就去銅鑼灣搵食啦！銅鑼灣實在有太多野食啦，我地有選擇困難症，唔知食咩好，我地行行下去咗利舞台附近，終於比我地諗到食乜好，就係食越南野，食香河！之前記得係報紙睇到香河比業主加租，可能會做唔住，好彩最後都無事，今次係我第一次食。其實越南野我平時都食唔少，仲幾鍾意架，口味間間都有d唔同。一入到去，餐廳係偏舊式嘅設計，枱同凳都放得整整齊齊，我地之後睇下餐牌，最後每人叫咗一個越南河粉。我叫咗一個扎肉湯河粉，咁湯底唔算好濃，清清地，河粉好爽口，唔會一patpat，有d扎肉絲，都ok多，幾濃肉味，總括黎講，質素可以接受，但係唔係話超級好味。題外話，呢間餐廳好貼心，個筷子套有教人正確用筷子嘅姿勢，好搞笑，我諗係主要針對外國人吧！