影片
更多
2012-08-07
902 瀏覽
唔知點解, 我去到邊都成日見到呢間紅茶館公司附近有, 屋企附近有, 連落西環開會都見到有!!除左公司附近嗰間試過一次, 其實屋企附近嗰間我都無去過, 今日食飯時間經過見到唔太多人價錢又ok就入去試下我叫左個沙律, 靚秘書就食雞扒, 而肥妹仔同事就叫左個羊....仲話要多客椒鹽多春魚 (其實我地三個女士食唔食得哂架??)等左唔係好耐, 就有嘢食啦蒜蓉包: 個包真係好香!!!秘書同肥妹仔都話正!!!之後就多春魚黎到, 其實我唔鍾意食, 因為覺得多春魚好腥, 肥妹仔係咪叫我試下話好正, 我試左少少, 唔腥同香口, 不過唔係我杯茶....... 雞扒：真係煎得好香!!~同埋都幾大件, 秘書姐姐請我食左小小, 因為太大件佢分左少少俾我, 煙鴨胸同沙律：好味, 其實呢樣應該唔係太難整得好食, 個沙律粉量好多.....其實細食的女仔可以兩個share一份羊：我唔食羊, 所以唔知, 肥妹仔就話好味, 仲全部連飯連餸一次過清碟......呢度環境幾好幾靜, 如果幾個fd傾計食飯其實都唔錯, 不過西環我好少黎, 我估都無咁快再黎幫襯lu臨走個staff仲走黎叫我地入會 (梗係入啦, 即時有折喎, 慳個10
公司附近有, 屋企附近有, 連落西環開會都見到有!!
除左公司附近嗰間試過一次, 其實屋企附近嗰間我都無去過, 今日食飯時間經過見到唔太多人價錢又ok就入去試下
我叫左個沙律, 靚秘書就食雞扒, 而肥妹仔同事就叫左個羊....仲話要多客椒鹽多春魚 (其實我地三個女士食唔食得哂架??)
等左唔係好耐, 就有嘢食啦
蒜蓉包: 個包真係好香!!!秘書同肥妹仔都話正!!!
之後就多春魚黎到, 其實我唔鍾意食, 因為覺得多春魚好腥, 肥妹仔係咪叫我試下話好正, 我試左少少, 唔腥同香口, 不過唔係我杯茶.......
雞扒：真係煎得好香!!~同埋都幾大件, 秘書姐姐請我食左小小, 因為太大件佢分左少少俾我,
煙鴨胸同沙律：好味, 其實呢樣應該唔係太難整得好食, 個沙律粉量好多.....其實細食的女仔可以兩個share一份
羊：我唔食羊, 所以唔知, 肥妹仔就話好味, 仲全部連飯連餸一次過清碟......
呢度環境幾好幾靜, 如果幾個fd傾計食飯其實都唔錯, 不過西環我好少黎, 我估都無咁快再黎幫襯lu
臨走個staff仲走黎叫我地入會 (梗係入啦, 即時有折喎, 慳個10%都好) 之後仲介紹樓上book場黎開party.....估唔到間餐廳好似唔係咁大但係都幾多唔同的服務.....有機會幫襯你啦...西環真係太少黎
今日有人請客, 食左個free lunch, 秘書姐姐萬歲!!!!!
張貼
