Dreamer Cafe (已結業)

是日跟女朋友放假就去西環找一些好東西吃，行到香港大學站向上山方向行，過左石塘咀街市行多兩條街就被一間簡約的咖啡店吸引了。『Dreamer Cafe』名字起得很好，所以我們就二話不說就入去了，可以時間尚早不用等位就入得。一入門有一張大枱，再行入少少就有二人跟四人枱。餐牌以飲品為主，食品有是日意粉進介，all day breakfast，三文魚toast和沙律，我們點了一份all day breakfast和今日意粉進介是紅酒燴牛肉意大利粉，另外再加Mocha和Piccolo Latte。餐具很優雅。先上all day breakfast，十分豐富，雜果果醬︰酸酸甜甜很有層次，就咁食或跟多士食都很好。多士︰外脆內軟。煙肉︰有兩大片，唔油膩仲有少少脆口，味道適中唔太咸。脆皮芝士腸︰甜甜脆脆的外層夾住中間微微的芝士香，配塔得很好。炒蛋︰好濃蛋香，可以配塔多士一起食。煙三文魚︰清新唔油膩。紅酒燴牛肉意大利粉，牛肉味幾濃，意大利粉幾有咬口，兩者配塔十分出色。最後一杯mocha，舒舒服服，輕輕鬆鬆坐下傾計十分寫意。