牛大人台灣火鍋吃到飽 (將軍澳中心)

營業中

休息中

好少食打邊爐會食到咁攰，不過真係值得講解下。好特別嘅夢王主題極上和牛套餐，諗住佢都係前菜做少少gimmick，事實上，成個餐都好有新鮮感。前菜嘅糖心蛋， 用靚雞蛋整出嚟，咁係特別柔軟順滑。然後同行朋友揀左生雞蛋，全餐用黎點牛肉食，真係昇華不少。 🍖另外一個前菜三色蔬菜夢王脆蛋，山葵，薯仔，南瓜，俾薄薄嘅雞蛋醬覆蓋住，加啲椒鹽，更加凸顯蔬菜嘅味道。 🍖和牛唔洗講，一定好味，一般放題既肉類相，都係會影未渌過嘅，你睇我影淥完既肉，係咪都好吸引先？但係今次我嘅重點反而係放係湯底，佢係限定嘅酸菜魚湯底，個種酸辣既味道，出奇地配合牛肉，而且蔬菜方面會更加入味。 🍺跟住我見到佢個啤酒，唔係罐裝嗰啲，係少爺生啤，咁又走去飲囉，飲到好飽但係又好滿足。點知都唔夠，見到佢原來讚好社交平台，又會送一杯夢王布甸珍珠奶茶，咁食台式火鍋，就梗係要飲珍奶架啦。好彩有飲，唔知係咪夢王布甸，我覺得啲珍珠都特別林，入口超舒服。 🍖食完再送夢王布甸，同埋雪糕或者仙草凍，真係非常滿足。