俺流塩らーめん (新都會廣場)

營業中

休息中

係葵芳呢個美食地區，除左葵涌廣場呢個匯聚世界美食嘅地方之外，仲有一個新都會廣場！住係葵芳一帶既市民真係好幸福！今次去左新都會廣場行街，但因為仲係改建緊，個廣場好似迷宮咁。誤打誤撞行行下比我見到一間日本餐廳好多人排隊，原來係食拉麵嘅！我叫左一碗「俺流男盛熟成拉麵」，餐牌寫佢係人氣，都算多配料，分別有炸雞、叉燒、流心蛋。啲炸雞有度唔好，就係用湯浸住，所以令到啲炸雞食落個皮有啲"林"，但啲雞都算大件又嫩；啲叉燒雖然都多肥肉，但肥肉係入口即溶，口感唔錯，搞到我都忍唔到口吞左成塊叉燒！而我覺得最值得推介嘅係呢度啲雞蛋，係流心蛋黎，係我意料之外！至於另一個「俺流芝士辛辣濃湯拉麵」芝士好似唔夠多，有少少失望。