Sense Cafe (已搬遷) 新店位置

經過廟街發現了間Café、格局熟口熟面、原來係盆栽Tiramisu始祖嗰間、己進駐了佐敦區。二話不說、懷舊下先。熱情果乳酪飲（＄１８）酸酸咪咪又幾開胃、味道有點似益力多、沒有奶昔沙冰之類的濃稠、恰到好處。梳乎厘冲繩阿古豚肉（＄１２８）今時今日唔搞下新意思跟本冇人留意到你。當端上枱時、隔離坐的食客嘩然、點解嘅、點解嘅、好萌呀！梳乎厘飯外型似菠蘿飽、另人唾涎。外層充滿彈性、入口綿綿。內層飯的醬汁選了紅酒蕃茄汁、非常濕潤、但紅酒香氣感受不到、可能己蒸發了。口感其實頗為豐富因有芝士和露筍。冲繩阿古豚肉肉質就比較實了點、不過調味方面就不錯。石板街份子雪糕（＄６３）這間Cafe份子甜品都幾出名架！今日就點了石板街份子雪糕。建議不要即時食、要放數分鐘、因雪糕比較凍可能熨傷。有棉花糖、果仁、朱古力雪糕、層次豐富有嚼口。賣相亦相當吸引。