HeSheEat (綠楊坊) (已結業)

今日放工好倦，決定搵間舒服嘅餐廳食返餐飽，條件之一係要有又靚又好食嘅甜品。即時諗起荃灣綠楊坊嘅HeSheEat。單骨蜜糖芥末雞翼蜜糖和芥末味道混合之後，原來咁好味，帶點辣，十分開胃。而且因為單骨，食得方便之外，感覺啖啖肉。性價比也很高， 一客有六隻。香辣柚子大蝦沙律沙律嘅份量都幾多，柚子食落唔苦、夠甜，相信因為食材夠新鮮。大蝦肉質夠爽，沒有雪藏味。燒烤BB豬肋骨配日式薯仔沙律呢個我最鍾意，外層香脆，內裏肉質嫩滑，醃得好入味，而且個燒烤汁做得好惹味，撈埋啲薯蓉一齊食，真係冇得輸。紅花海鮮燴意大利飯紅花味道獨特，帶花香和甜美，用嚟煮意大利飯十分匹配，海鮮有大蝦、青口和蜆肉，鮮味十足。朱古力疏乎厘pancake （含橙酒）疏乎厘厚度十足，夠鬆軟，有入口即溶嘅感覺，而且充滿香濃嘅蛋香，再加埋含橙酒嘅醬汁，提升味道嘅層次，食完十分滿足，令你忘記晒工作嘅煩惱。