Holly Brown (已結業)

話說另一半對於呢一間餐廳嘅梳乎厘班戟係好早之前已經心思思，咁岩今日放工之後大家都有時間，不如就黎試一試。一開始仲驚今日係星期五人會比較多，所以一放工就黎到，好彩唔使點等位就可以入座。呢間餐廳分上下兩層，上層今日應該被包場有活動，下層嘅環境好舒服，暗暗的環境零整間餐廳富有情調。雖然我們嘅目標好明確，但都需要先易醫飽左個肚。其實佢嘅選擇都算比較多，最後我哋叫咗一個意粉和一個Pizza。意粉我哋叫咗牛肝菌松露醬汁闊條麵。雖然只係松露醬汁，但上枱的時候松露嘅香味都撲鼻而來，對於我呢一個松露控來講，已經感到滿足。意粉煮得啱啱好，唔會太硬亦都唔會太霖，意粉本身已經索晒松露醬嘅香味，加上牛肝菌嘅配搭，絕對值得一試。至於Pizza，因為我哋唔太想食肉，所以我哋叫咗田園薄餅。餅底好薄好脆，用料豐富，芝士啱啱好唔會太多，如果可以焗長少少時間，個味道相信可能更佳。最後當然少不了今晚的主角，草莓梳乎厘班戟。相信單睇賣相，女士們應該抗拒唔到。賣相好吸引，配上草莓顏色的醬汁，插上一朵小玫瑰，相機先食係必然的。食落唔會太過空氣感覺，鬆軟綿綿，而選擇玫瑰味係希望有清新的感覺，佢確實做到了。最重要嘅係呢個班戟佢唔會太甜