The Pantry (已結業)

之前聽朋友講過依間梳乎厘班戟好出名，星期六睇完戲諗住試，但門口等滿人..所以特地揀左閒日黎試。果然少人好多😎餐廳採用左落地玻離做間隔，感覺好開揚空間感好大，而且坐位都比較闊寬坐得好舒服，無論係三五知己定一大班朋友gathering 都好適合👍🏻而野食方面我地嗌左兩個man course同一個梳乎厘班戟🍕Burrata Chorizopizza個皮好薄好脆，岩岩上台芝士仲拉到絲嫁😍雖然個pizza有好多芝士，但因為有蕃茄同車厘balance返，所以兩個人食晒成個都唔會覺得好濟🍝Pancetta Carbonara炒香左既蘑菇同煙肉令到carbonara個味道唔係單止rich仲好有口感😋最後重口戲黎啦！🍴The Pantry’s PancakePancake既蛋香同焦糖香一上枱已經香氣撲鼻，雖然佢整到好高身但絕對唔係得陣風，一入口pancake即刻溶係口，濃郁既蛋香加埋焦糖同蜜糖既甜味配合得恰到好處，令人忍唔住一口接住一口！🤤依個Pancake果然冇令我失望！到依家都好掛住個味！