YATA Gudetama Café by Izumi Curry (已結業)

今晚約了朋友聚舊，觀塘APM 係大家的中間點。當大家未選到食咩時，突然想起有呢間cafe, 因近來蛋黃哥大熱，所以就去一試。入到去先知原來全部以咖哩為主題，但其中有個朋友不食得咖哩，就在不知是否繼續留係度，店員突然話所有跟飯的咖哩汁可轉燒汁，大家即刻好開心咁繼續留係度食。餐牌選擇不多。我選了咖哩叉燒烏冬，他們選了芝士漢堡咖哩飯及燒汁吉列朱朳飯。我個人覺得賣相真的不錯，每碟都有不同樣的蛋黃哥小紙牌。而我覺得咖哩汁也做得不錯，不辣帶甜，正正是日式咖哩的味道。而叉燒是厚切的，有別於其他餐廳的薄切，感覺不錯有口感，難得煮得淋及保持到肉汁。而漢堡朳飯竟然落重芝士，見朋友一邊食一邊拉長芝士。整體來說是不錯，今晚未有機會試甜品，留待下次。