Twinkle Baker Decor (已搬遷) 新店位置

中秋佳節除左應節食品，我都想買個靚蛋糕慶祝，見到最新推出左梳乎到月球，主題叫懶懶閒遊遊太空，好得意喎梳乎到月球 6寸 $428懶懶閒的Gudetama 登上月球，暖黃色月球是呂宋芒慕絲蛋糕，呂宋芒芒果味濃，口質幼滑，中間夾著香甜芒果肉，芒果味濃郁，仲食到煙韌軟糯的椰汁麻糬粒，原味海綿蛋糕，唔會太甜，月球表面的隕石坑都造得神似。底層深藍太空船是竹炭牛油忌廉，顏色似足夜空，神秘感大增，內裡香濃的朱古力牛油蛋糕，都幾香，可愛又好食。