影片
更多
2019-11-08
191 瀏覽
今日放假，好難得約咗啲朋友嚟1881呢度去食下個lunch。 佢揀咗呢一間充滿藝術氣息嘅餐廳度食個set lunch， 入到去， 佢裝修嘅格調認真不得了， 非常有藝術氣氛 ，其實都幾適合我呢啲偽文青去食個lunch， 呢度嘅環境絕對有空間感， 適合兩個人去傾下偈relax下。入到去我哋就揀咗去嗰set lunch。lunch包括湯、 正餐同埋甜品。長通粉配燉牛肉： 裏面包括有一啲番茄同埋芝士。 其實佢呢一個通粉係我覺得個牛肉加一啲蕃茄醬幾juicy ，juicy嘅原因係因為番茄用咗新鮮嘅番茄，所以你食落去會覺得好fresh，同埋佢個長通粉又唔會整得太淋 ，所以通粉係軟硬適中且有口感。咖哩魚配番茄配印度香米: 其實佢呢個咖哩幾有印度正宗咖哩嗰種香味， 更加好嘅就係佢配咗印度香米，所以食落去嘅時候都會有少少正宗印度咖哩嗰個感覺，同埋佢個魚整出嚟個新鮮程度係好似有少少食魚生嗰種質感，當然啦佢係熟嘅， 所以其實佢個火喉拿捏得非常之好。 當咖哩魚配埋啲印度米， 兩者配合得天衣無縫。 我會畀個like!佢個甜品係朱古力蛋糕， 當一上枱嘅時候， 個人覺得個配搭好有藝術嘅氣息， 食物可以做到好似藝術品
入到去我哋就揀咗去嗰set lunch。lunch包括湯、 正餐同埋甜品。
長通粉配燉牛肉： 裏面包括有一啲番茄同埋芝士。 其實佢呢一個通粉係我覺得個牛肉加一啲蕃茄醬幾juicy ，juicy嘅原因係因為番茄用咗新鮮嘅番茄，所以你食落去會覺得好fresh，同埋佢個長通粉又唔會整得太淋 ，所以通粉係軟硬適中且有口感。
咖哩魚配番茄配印度香米: 其實佢呢個咖哩幾有印度正宗咖哩嗰種香味， 更加好嘅就係佢配咗印度香米，所以食落去嘅時候都會有少少正宗印度咖哩嗰個感覺，同埋佢個魚整出嚟個新鮮程度係好似有少少食魚生嗰種質感，當然啦佢係熟嘅， 所以其實佢個火喉拿捏得非常之好。 當咖哩魚配埋啲印度米， 兩者配合得天衣無縫。 我會畀個like!
佢個甜品係朱古力蛋糕， 當一上枱嘅時候， 個人覺得個配搭好有藝術嘅氣息， 食物可以做到好似藝術品咁優美，好靓靚呀！咁當然 ，呢一刻相機食先，大家可以參考我啲相，其實佢呢個蛋糕我覺得幾唔錯大家可以試下，因為佢呢度嘅cake，再配埋佢個梵高藝術tea set, 我覺得呢一餐嘅甜點係一個唔錯嘅點綴。個人覺得甜品比較出色。
如果大家行開1881或想揾清静嘅地方，都可以試下呢度個lunch或者個tea set。因為都幾多女仕喺度High tea。我係希望下次試吓佢哋嘅 Tea set
張貼
