棋哥燒鵝 (已結業)

棋哥燒鵝，整體係肥美帶光澤嘅燒鵝，口感厚肉、有咬口、皮脆肉嫩，肉味香濃，肉汁飽滿；採用獨特嘅煙燻技術，鵝肉咸香嘅味道中散發住浸浸荔枝柴香氣，加上選用黑棕母鵝並配用獨門醃製配方和秘製醬汁，味道同坊間大大不同；配以甜酸嘅酸梅醬食用，味道更解膩、開胃；花生伴碟口感脆口。叉燒，食落肉質半肥落，口感鮮嫩、軟腍，蜜汁香甜嘅味道滲入每件叉燒；花生伴碟味道甜香、同叉燒味道一致。郊外油菜，白灼菜心，口感爽脆，配以蠔油食用，味道更佳。瀨粉，口感滑溜，帶有清湯嘅咸鮮味道。老火靚湯，花生眉豆雞腳豬骨湯，味道清甜、濃郁，無味精，非常足料。米線，食落好乾爽。龍鳯檸七，雪碧配以咸檸檬、鮮檸檬，味道酸咸、清爽。