影片
更多
2015-07-16
298 瀏覽
今晚無咩胃口，食幾個點心當晚飯。叫個點心餐送碟炒菜，再散叫兩個點心加個燉湯，飽飽。似乎無咩胃口都好大食呢，哈哈。蒜香鮮蝦長春卷，師傅仔話即炸會香脆好多等唔等？梗係等啦！5 分鐘唔洗就新鮮出爐，好熱呀！點少少喼汁降降溫，咬落脆卜卜索索聲，好過癮。特濃香蒜味道，從未食過咁濃既蒜味，而且夾雜著爽口蝦肉，當然好味啦！鵪鶉蛋燒賣，賣相一流無投訴，索一索香噴噴。一定要成粒啪入口啦，咁先原油原味，一滴不漏盡收肚底！香濃豬肉球結實彈牙又 juicy，撞上甘甜鵪鶉蛋，佢地既化學作用無與倫比，連啪幾粒唔洗客氣。淮山杞子螺頭燉雞湯，開呀！個盅熱到辣手！勁香雞湯同螺頭味交雜！睇落以為好細碗，但倒出黎都有兩碗湯水喎。湯汁香濃清徹，最愛淮山杞子既天然甜味，撞埋海味同雞肉味，堅正！份量好夠又足料，連湯渣都食晒，螺頭彈牙味濃、雞腳嫩滑，good！高湯鮮竹卷，酒樓食親都係蠔汁鮮竹卷，終於有款新口味！香噴噴，腐皮滑嘟嘟，餡料包得滿滿，有肉有菇有甘筍有木耳，非常清甜爽口，濃郁高湯灌滿鮮竹卷，味道無得輸！好好食，必試。豉椒蒸排骨，居然係 food court 可以食到高質排骨，比起酒樓肥騰騰既排骨好百倍！肉多骨少無肥膏，啖啖
今晚無咩胃口，食幾個點心當晚飯。叫個點心餐送碟炒菜，再散叫兩個點心加個燉湯，飽飽。似乎無咩胃口都好大食呢，哈哈。
蒜香鮮蝦長春卷，師傅仔話即炸會香脆好多等唔等？梗係等啦！5 分鐘唔洗就新鮮出爐，好熱呀！點少少喼汁降降溫，咬落脆卜卜索索聲，好過癮。特濃香蒜味道，從未食過咁濃既蒜味，而且夾雜著爽口蝦肉，當然好味啦！
鵪鶉蛋燒賣，賣相一流無投訴，索一索香噴噴。一定要成粒啪入口啦，咁先原油原味，一滴不漏盡收肚底！香濃豬肉球結實彈牙又 juicy，撞上甘甜鵪鶉蛋，佢地既化學作用無與倫比，連啪幾粒唔洗客氣。
淮山杞子螺頭燉雞湯，開呀！個盅熱到辣手！勁香雞湯同螺頭味交雜！睇落以為好細碗，但倒出黎都有兩碗湯水喎。湯汁香濃清徹，最愛淮山杞子既天然甜味，撞埋海味同雞肉味，堅正！份量好夠又足料，連湯渣都食晒，螺頭彈牙味濃、雞腳嫩滑，good！
高湯鮮竹卷，酒樓食親都係蠔汁鮮竹卷，終於有款新口味！香噴噴，腐皮滑嘟嘟，餡料包得滿滿，有肉有菇有甘筍有木耳，非常清甜爽口，濃郁高湯灌滿鮮竹卷，味道無得輸！好好食，必試。
豉椒蒸排骨，居然係 food court 可以食到高質排骨，比起酒樓肥騰騰既排骨好百倍！肉多骨少無肥膏，啖啖肉好滿足，肉質香甜彈牙帶肉汁，醃得入味而不失豬肉香，正！加埋豉椒勁香口惹味！
蒜蓉炒白菜仔，居然係送炒菜唔係烚菜，感動呀！最愛食炒菜，但今日只有白菜仔呢，而且只有蒜蓉或清炒。即炒無敵鑊氣！收乾水份，菜既清甜味道特別濃厚，加上香口炸蒜真係要大注大注塞滿整個口，非常滿足！經過大量肉類洗禮既味蕾，最後黎個菜蔬，完滿地結束！
張貼
