金飯館

營業中

休息中

某日同朋友去左牛頭角附近行街,之後見到呢間叫金飯館既餐廳,個名幾特別咁就同朋友入左去食,呢間餐廳主打係椒鹽豬扒飯,裝潢以白色為主簡潔清晰仲配有幾幅油畫掛牆度,我地叫左一碟椒鹽豬扒飯,呢度所有食物都係即叫即整既,所以要俾15分鐘時間等一等,飯係炒飯底金黃色大大碟,豬扒好大堍,加埋椒鹽同D辣椒絲真係好惹味,炒飯底好香,豬扒入味彈牙,之後我地仲叫左碟蘭王蛋沙爹牛肉飯,蘭王蛋兩個橙王色蛋黃加流心效果,炒飯好有鑊氣,沙爹牛肉好香濃沙爹味,店員親切友善,仲有檸檬茶係用左青檸同黃色檸檬兩種檸檬,小編推介小食係蜜糖雞翼,雞翼比起其他地方既厚肉好多,加埋蜜糖汁熱辣辣即炸,真係好正,外脆內軟。