肯德基家鄉雞 (KFC)

營業中

休息中

同朋友仔睇完戲出嚟，突然好肚餓，就去咗KFC度食椒鹽雞豐盛套餐，平時我地都好鍾意食椒鹽既菜式～所以揀左呢個一齊share套餐包括有2件椒鹽雞、家鄉雞/香辣脆雞/狂惹香燒雞、菜絲沙律、經典葡撻同汽水。椒鹽雞外層炸得香脆又金黃，外脆內嫩，十分滋味。而且佢地既椒鹽係用黑胡椒、白胡椒同辣椒特別調製而成，十分香口另外我仲加($10)叫左「2件椒鹽雞翼」～～平時都好鍾食巴辣香雞翼，估唔到加左椒鹽後更加惹味！我地都食到停唔到口飲品方面我就加($6)升級要檸檬利賓納～～清新原片檸檬🍋配上冰涼既利賓納🍹，味道酸酸甜甜好透心涼！