浩記餐廳小廚

營業中

休息中

今日 lunch 同咗班同事柴娃娃去咗粉嶺蓬瀛仙館食齋，所以夜晚就想食點肉中和番吓。睇過食評知道呢度嘅招牌菜係鹽焗雞、梅菜扣肉、椒鹽豬扒及羊腩，於是就叫老公今晚嚟呢度食晚飯。原本打算叫一個椒盬豬扒飯 ($30) 同一個羊腩飯，點知個伙記話天氣回暖，已經沒有羊腩食了。 佢反而提議我地叫個金牌鹽焗雞飯 ($28), 見鹽焗雞都係呢度嘅招牌菜，咁就聽佢講試吓喇。個椒盬豬扒飯真係好好味，塊豬扒夠厚又多汁，一碟都有幾多塊，而且椒盬味道適中，唔過咸、唔過辣，果然唔錯。個鹽焗雞飯就反而一般咗啲，咁嘅價錢，都知唔會係新鮮雞，不過雖然啲雞肉有啲鞋口，但點埋附上嘅沙羗汁都可以嘅。隨飯有例湯附送，算唔錯喇。