亮記海鮮飯店

營業中

休息中

與同事走來西灣河街市內既熟食中心搵食, 這個熟食中心地方都唔算好大晚市大排檔好似只得3間選擇, 最後我地選左最角既亮記.2個人點左椒鹽軟殼蟹拚茄子; 豉油皇炒麵及咕嚕雞球.先來既咕嚕雞球炸得外脆而不多粉漿內裡既雞肉仍然保持嫩滑多汁, 甜酸醬汁亦調味得剛好至於豉油皇炒麵只屬一般, 雖則炒得沒有太多油份, 但味道偏淡食唔到豉油既香味.最後既椒鹽拚盤都算合格, 炸得香脆而不油只係略縑多粉漿, 炸茄子我最為欣賞茄子本身鮮甜炸後外脆卜卜食到中間時茄子軟綿綿軟殼蟹肉質亦結實而亦有蟹肉既甜美.整體上此店既食物都好有水準, 特別炸物真係能做到炸得甘脆而不油膩, 服務亦相比一般大排檔更為體貼細心.