影片
更多
2019-10-06
734 瀏覽
日期：10月6日人數：2人行完獅子山，當然要醫下肚啦。喺大圍紅梅谷/ 世界花園行返落嚟，就去返火車站附近嘅漢年食午飯。來到漢年，除非你係日日來，否則基本上都係叫兩個比較出名嘅飯，分別係鹽焗雞飯同埋椒鹽豬扒飯。我朋友叫咗鹽焗雞飯，咁我就叫椒鹽豬扒飯。另外，之前試過炒飯底，覺得係物有所值，所以就加咗$12轉炒飯底。先講鹽焗雞飯。可能係因為餐廳俾晒啲雞背脊同雞翼，所以今次就感覺麻麻地啦。肉質都算滑，起碼唔係啲急凍雪雞。配上沙薑醬，其實味道係唔錯嘅。至於椒鹽豬扒飯，質素就好好多了。份量非常大，有成5-6舊豬扒。豬扒都算新鮮炸出再整椒鹽，好香、好惹味得來又夠咸，又唔會好熱氣咁，食到個咀同牙齒都好熱。加上大大碟嘅雞蛋炒飯，非常飽肚，對於平時食飯食少飯嘅我，今日簡直係超晒標。枱裏面其他食客就選擇叫午餐，觀察所見份量都非常足夠，就算係男士都未必食得晒。其實餐廳都有供應各種炒粉麵飯，所以選擇都幾豐富。環境方面，舊式茶餐廳咁唔算好好，但起碼乾淨衛生。服務水準就一般般。價錢都算其實唔平，椒鹽豬扒飯加炒飯底加一杯凍檸茶要$72。
人數：2人
行完獅子山，當然要醫下肚啦。喺大圍紅梅谷/ 世界花園行返落嚟，就去返火車站附近嘅漢年食午飯。
來到漢年，除非你係日日來，否則基本上都係叫兩個比較出名嘅飯，分別係鹽焗雞飯同埋椒鹽豬扒飯。我朋友叫咗鹽焗雞飯，咁我就叫椒鹽豬扒飯。另外，之前試過炒飯底，覺得係物有所值，所以就加咗$12轉炒飯底。
先講鹽焗雞飯。可能係因為餐廳俾晒啲雞背脊同雞翼，所以今次就感覺麻麻地啦。肉質都算滑，起碼唔係啲急凍雪雞。配上沙薑醬，其實味道係唔錯嘅。
至於椒鹽豬扒飯，質素就好好多了。份量非常大，有成5-6舊豬扒。豬扒都算新鮮炸出再整椒鹽，好香、好惹味得來又夠咸，又唔會好熱氣咁，食到個咀同牙齒都好熱。加上大大碟嘅雞蛋炒飯，非常飽肚，對於平時食飯食少飯嘅我，今日簡直係超晒標。
枱裏面其他食客就選擇叫午餐，觀察所見份量都非常足夠，就算係男士都未必食得晒。其實餐廳都有供應各種炒粉麵飯，所以選擇都幾豐富。
環境方面，舊式茶餐廳咁唔算好好，但起碼乾淨衛生。服務水準就一般般。價錢都算其實唔平，椒鹽豬扒飯加炒飯底加一杯凍檸茶要$72。
張貼
