煮廚 (已結業)

一班人食飯，黎熟食中心可以叫多幾樣野，而且實食得飽，價錢又經濟。椒鹽魷魚：最好食呢個！炸得唔脆，但炸醬薄，魷魚質感實在，軟熟，有鮮味。蠔仔蛋：份量大，本身比較淡味，蠔仔幾多，可以點魚露食。雞煲：份量似乎偏少，雞肉質一般，麻味幾重。生魚片白菜魚湯：魚湯勁咸，令菜都偏咸，菜份量應多點，不太夠分食，生魚片薄薄地都ok。蒜蓉開邊中蝦：呢個比較差，蝦好細隻，似乎未算中蝦，用黎開邊蒸好勉強，又蒸得較熟，蒜蓉味道則幾好，底下有不少粉絲。大煲炒飯：份量驚人，幾香蝦膏味，有啲蝦仔，用料唔少，但較咸。