滿樂潮州 (東薈城名店倉)

營業中

休息中

假期又來東薈城，買波鞋，來到人潮還多過旺角，八月花等唔到位，再轉來此處，不用等位。 潮州粉果$48，四粒，多又大粒過百樂潮州。麻蓉包$48， 餡料一般，芝麻唔夠香，勝在皮軟滑。椒鹽鯧魚骨$88，  潮州店食鯧魚就好貴，呢個有骨，我喜歡，有嚼頭 ， 面薄粉， 肉香口，骨滋味， 抵食。 福果瑤柱白粥，個人喜歡冇咸味白果白粥，真真正正係食到米水那種潮州粥， 真係好難在高级食店有，除咗去大冷店， 今次係勁多瑤柱， 濃香瑤柱味，白果香就少啦， 食完先知68蚊。