盛寅慢煮製麵 (已結業)

呢間係之前一直想試試，今日早啲收工，過嚟試吓。喺地鐵站行大概5至10分鐘左右就到，係宜安街市下面，好近牛頭角地鐵站。睇餐牌價錢都好平，大概40幾蚊左右就食到慢煮雞。今日同朋友一人嗌咗一個餐，我就食椒麻雞拌麵+溫泉蛋配黑糖紅豆鮮奶。雞肉好軟好滑，椒麻味道食落口又麻又香又辣，好爽。半生熟嘅溫泉蛋，撈麵都好正。朋友就嗌咗個安格斯牛肉配大地魚雞湯菠菜麵。朋友話佢個慢煮牛肉都好嫩，唔會太熟，個湯都好好飲，唔會飲完口渴。杯黑糖鮮奶，打卡一流。性價比好高，兩個人買單都唔洗$140。