潮州人 (已搬遷) 新店位置

今日途經太子呢間位於角位既小店，本身都未肚餓無諗住食野，但就比陣超香椰子味吸引到我，行埋去一望真係今日有椰子煲雞湯，見門前有位坐就拿拿林叫老闆整碗湯黎試下，勁香椰子味，飲得出真材實料，唔係流野，飲完湯見佢門口貼哂相話招牌菜係花膠湯米粉，見佢碗湯咁好飲就叫老闆整碗花膠湯米黎試下佢有無咁堅，一黎到花膠好厚好大塊，米粉問老闆話係台灣米粉黎，偏幼身，花膠好夠咪淋度適中，但我就覺得個湯底偏淡，但整體黎講花膠都係好食，都值得去一試！