影片
更多
2016-06-19
639 瀏覽
同朋友講話去打邊爐，個個都話吓咁熱點打呀？又唔係坐喺街邊打，咁點解夏天唔可以打邊爐呢？趁呢度新開，快快趣走去試先。一入到餐廳，裝修非常有特色，成間圖書館咁嘅，有個倫敦電話亭，啱晒真偽文青喎！「四季文昌」，個名咁得意嘅？「四季」代表一年四季都適合食滋潤養生嘅椰子雞鍋，同我信念喎；「文昌」就係大名鼎鼎嘅海南文昌雞，等我仲以為成間餐廳充滿書卷味，所以叫「文昌」添！泡椒白玉菇($38)爽脆可口嘅白玉菇，上面有一條海南黃辣椒，唔小心咬咗佢一啖之後，個嘴足足辣咗15分鐘！原來佢比指天椒更辣㗎！天啊....原味椰子雞鍋（＄238）當然要叫個招牌湯底啦。湯底係椰子水、椰子肉及文昌雞，感覺清新健康；來自海南嘅椰子比普通椰子更厚肉及清甜；文昌雞飼養期大概由5個月至半年不等，肉質會較其他雞鮮嫩，雞味亦會特別濃郁；湯滾起後，將成隻雞雞倒入鍋，再掉轉漏斗等等就食得㗎喇；啱啱滾起嘅靚湯當然要試試，清甜到不得了，天然嘅椰子香甜味令我以為係落咗糖落咗椰子精！加上文昌雞嘅脂肪唔算多，所以煲出嚟嘅湯唔算油膩，但雞味甚濃，忍唔住會想當水咁不停飲；雞肉看似好鞋，但其實肉質新鮮鮮嫩，每口都有淡淡嘅椰子香，食到冇停口自家製混醬打
泡椒白玉菇($38)爽脆可口嘅白玉菇，上面有一條海南黃辣椒，唔小心咬咗佢一啖之後，個嘴足足辣咗15分鐘！原來佢比指天椒更辣㗎！天啊....
泡椒白玉菇
$38
14 瀏覽
0 讚好
0 留言
當然要叫個招牌湯底啦。湯底係椰子水、椰子肉及文昌雞，感覺清新健康；來自海南嘅椰子比普通椰子更厚肉及清甜；文昌雞飼養期大概由5個月至半年不等，肉質會較其他雞鮮嫩，雞味亦會特別濃郁；湯滾起後，將成隻雞雞倒入鍋，再掉轉漏斗等等就食得㗎喇；啱啱滾起嘅靚湯當然要試試，清甜到不得了，天然嘅椰子香甜味令我以為係落咗糖落咗椰子精！加上文昌雞嘅脂肪唔算多，所以煲出嚟嘅湯唔算油膩，但雞味甚濃，忍唔住會想當水咁不停飲；雞肉看似好鞋，但其實肉質新鮮鮮嫩，每口都有淡淡嘅椰子香，食到冇停口
原味椰子雞鍋
$238
15 瀏覽
0 讚好
0 留言
原味椰子雞鍋
$238
12 瀏覽
0 讚好
0 留言
原味椰子雞鍋
$238
10 瀏覽
0 讚好
0 留言
原味椰子雞鍋
$238
9 瀏覽
0 讚好
0 留言
打邊爐又點少得混醬呢？呢度冇中式嘅傳統配料，但有特別嘅海南沙薑、指天椒及海南野生桔仔；指天椒可以中和沙薑味道，更能提升雞嘅鮮味；海南天氣較熱，熱到冇心機食肉，所以佢哋會以桔仔入饌，酸酸哋開胃啲；店員建議將原隻桔仔唧晒落豉油度一齊食，呢個配搭幾新鮮，酸酸哋又真係幾清新喎
海南桔仔
13 瀏覽
0 讚好
0 留言
三樣我嘅最愛拼埋一齊，未嚟之前睇其他食評已經覺得好吸引，雖然食雞煲配煲仔飯好搞笑，不過唔理喇都要試吓！一開蓋，黑松露香氣就撲鼻而來；夾雜住黑松露醬嘅原隻龍蝦好大隻呀，龍蝦肉都幾彈牙爽口；如果唔撈撈啲黑松露醬落飯度，味道就會偏淡，而且我鍾意嘅煲仔飯係粒粒分明嘅，唔知點解啲飯好黏，唔夠乾身，失望咗
黑松露龍蝦煲仔飯
$238
15 瀏覽
0 讚好
0 留言
黑松露龍蝦煲仔飯
$238
8 瀏覽
0 讚好
0 留言
黑松露龍蝦煲仔飯
$238
14 瀏覽
0 讚好
0 留言
全日本大約有150種左右以地名命名嘅牛肉，其中3種最最高級嘅牛肉就係「佐賀牛」、「松阪牛」及「神戶牛」，而佐賀牛出名高品質及供應量穩定，所以一直備受矚目。我唔鍾意食好肥嘅牛肉，問過店員佢話呢種唔算好肥嘅，咁就試吓啦；總共有6塊，就咁睇已經心知不妙，雖然柔軟嘅瘦肉中夾雜住細膩而均勻嘅油脂，顏色亦都非常鮮紅，但對我嚟講都係肥咗啲；唔緊要啦雖然肥，但一睇就知會係非常鬆化，即刻食先，肉質果然柔軟、入口即溶、油香四溢，但由於湯底嘅椰子味實在太香濃，好似蓋過咗牛肉嘅香濃味道，有啲可惜
佐賀A5牛肉眼
$198
12 瀏覽
0 讚好
0 留言
老實說就咁睇樣真係唔知邊款打邊款，自打鮮魚丸有咬感唔算彈牙，不過食得出係魚肉製造，唔係好似普通魚蛋咁好膠好彈牙；手打蝦丸有驚喜，食食吓真係有啲未打勻嘅蝦肉，蝦味濃郁，起碼俾我知道你真係用真蝦肉做吖！
自打鮮魚肉+手打蝦丸
$72
11 瀏覽
0 讚好
0 留言
店員話要將test tube入面嘅飲料倒入去深紫色嘅梳打，就會好似魔法咁變色㗎喇！玩吓先，倒完入去之後，er好似變咗紫紅色... 唔係太明顯喎！飲唔出係乜野飲品，淨係飲得出有梳打，哈哈！
四季魔法梳打
$32
15 瀏覽
0 讚好
0 留言
四季魔法梳打
$32
21 瀏覽
0 讚好
0 留言
店員話如果鍾意飲酒嘅朋友應該試試呢杯飲品，不過建議食完晒野先好飲喎！一隻大杯入面有幾隻細杯，第一杯有一隻唔知乜野酒+sambuca+triple sec，第2杯係vodka，第3杯係威士忌+triple sec+tequila，其餘係asahi啤酒；飲完第一杯之後，另一隻細杯就會跌落去中杯入面，都幾複雜，第一杯非常搶喉，飲完之後即刻醒晒；第2杯就比較易入口，到咗最尾嗰杯又嚟過，整體感覺似係坐緊過山車咁，一開始就嚟料，之後俾你抖一抖回氣，之後又再嚟過；呢杯飲品非常適合鍾意隊酒嘅朋友，飲完之後包你興奮無比！
Bomb bomb bomb
$148
15 瀏覽
0 讚好
0 留言
最難忘嘅食物係原味椰子雞鍋，真係要我成鍋飲晒都冇問題！！！！！有咁特別嘅裝修，睇嚟呢度會好快成為check-in熱點喇～
張貼
