川味雞烤魚大王 (隆亨商場) (已結業)

呢間位於隆亨邨既川味雞烤魚大王，從大圍火車站／圍方行過去約十分鐘路程，響商場外圍，好顯眼。店內唔算好大，火鍋店來說，店員算多，就算坐滿食客，店員非常友好。椰子雞煲（$188/半隻），雞件先以花雕及玫瑰露醃製，再加入雞骨、豬骨、新鮮椰子、桂圓肉、紅棗肉、南北行同杞子等熬煮，怪不得湯底極鮮甜清潤，雞煲一上檯，已經聞到好香既椰子味。加上店員既指導，雞件好嫩滑，真心好食。我覺得個雞煲好食，除了食材好之外，少不了店員專業的協助，不但幫忙落雞件，調教火候，甚至幫我們計時，提醒我們要焗幾耐同埋進食既次序，店員貼心服務，吸引左區內區外既食客，我入坐一會後，店內已經坐滿食客。特級雪花肥牛（$108/細份）雪花分明，肥瘦適中，牛味濃，灼一灼就食得。牛根丸（$58）一咬爆汁，彈牙而有嚼勁。響鈴（$38）索哂啲椰子雞湯，每一口都充滿了濃郁的湯汁，味道清甜。雜菜（＄35）好新鮮，但實在太飽，打包返屋企自用。柚子梳打／百香果梳打（$２６）食到新鮮水果肉，有驚喜。