四季文昌 (已結業)

朋友們心血來潮想打邊爐，上網搜尋，發現呢間都幾出名，而且太子又係中間站，方便大家返屋企…Book左4位7點鐘，都幾就腳，容易揾到，大大個招牌係門口，佢係樓上舖要行樓梯，入到去已經聞到陣陣椰子味~裝修到成間圖書館，好啱文青去…枱上已經有水，豉油同調味食材！最後揀左3~4人餐，另單點食材~等雞黎既時候，先吃小食~沙疆脆豬手😍 不過太大舊骨，有d難咬到d皮同肉，唔用手都食唔到…好快就上左半隻雞比我地，放入椰子鍋度，用沙漏計時，大約7分鐘，就可以開蓋~一打開蓋，陣陣椰子香傳入我的鼻，二話不說試飲個湯底先，好清甜椰子味d雞又好嫩滑，完全唔老~我地好快就清煲，之後滾其他食材~牛肉同豬腩肉，賣相就好靚，卷成玫瑰花形，但份量唔夠4個食肉獸，每人分到3塊牛同一塊豬腩肉左右~另外叫左個鬼馬蝦滑同七色芝士丸，味道普普通通，無乜特別，七色芝士丸味道粒粒都一樣，只係顏色唔同！其實仲叫左個豉汁白膳煲仔飯，好香豉汁味，白膳都好滑，但白膳有好多幼骨，要小心食用最後埋單每位 $252，價錢OK唔算貴！