蘇媽.蘇媽馬來西亞茶餐室 (已結業)

接近2pm來到，好想試下椰漿飯！已經心思思左幾日入面都有幾多人，大約餐廳嘅一半左右。叫左咖啡雞肉椰漿飯（$62），有得加6蚊轉雞脾，但想留肚試咖央多士。用嘅係即棄木筷子。覺得咖喱雞份量比想像中多，唔會好辣。飯上的半隻雞蛋係凍嘅。本身冇預備水，要叫待應先致會比水你。呢隻應該係參巴醬汁，有少少甜又咸，好濃味。d魚仔同花生都炸得好勁。怕會喉嚨痛。蝦片同平時差唔多，但見到有毛髮（眼睫毛）,不太衛生..d飯係我最期待，但似乎，只係有淡淡椰汁味，談不上椰漿...過得去嘅。因為到下午茶時段，加14蚊要個咖央多士。個包好脆好香口！佢哋嘅咖央再加左牛油，令成個醬再rich d。我分開左兩邊食，無牛油，咖咉個甜味出d。兩件好快就食哂。走時，下午茶時段仍好多人光顧。下次想試下拉茶同其他麵食。