甜公館

營業中

休息中

今日去大角嘴食晚飯，食完之後大家意猶未盡，再想搵個地方食甜品傾下計，上網搵吓見到附近有一間糖水舖，甜公館，見有位唔使排隊，選擇都算多就入去試吓。.🍚 原個椰皇燉牛乳 食得出真材實料，有加椰青水一齊燉，椰青水清甜味道好突出，配合滑溜既牛乳簡直係人間美食，食完燉牛乳之後，仲可以食埋椰子肉，椰子肉又吸收哂牛乳既味道，燉得夠淋，非常容易就食到，唔錯。.🍚 榴槤椰皇榴槤椰皇一啲都唔吝嗇，有一大球榴槤蓉，鐘意食榴槤既你就唔好錯過。.🍚 鮮奶桃膠燉蛋白處理過桃膠就知道，要洗乾淨同處理好係要幾多功夫，桃膠份量可以，成個糖水唔算太甜，想簡單食既可以一試。.總括然而，椰皇系列既甜品幾唔錯，一般普通大路既甜品都處理得可以。