鼎豐雞煲泰國菜 (已結業)

放工和朋友歡聚，來到呢間位於企理雞煲泰國菜店。座位寬闊，沙發位舒服自在，分別有雞煲同泰國菜餐牌，清楚明暸。點左雞煲後，店員會推醬油車來俾客人調較醬油碟，醬油都擺得都幾企理，餐廳用上美觀藍色碗碟，筷子寫明公筷，更難得係廁所幾乾淨﹗泰國椰青雞煲 半隻$208 (半隻雞煲送肥牛，原隻雞煲送安格斯牛一碟，幾抵食):最特別係店員會幫忙將椰青水倒進雞湯，再刮椰青肉出來，倒雞落去，控制煮雞煲火侯，保持雞肉嫰滑口感。先飲一啖湯，真係好鮮味，入面有杞子粒同椰絲，味道自然，飲完都不會口渴！椰青肉煮到爽口，吸收雞湯咸鮮味，底下竹笙有不少，餐廳俾得幾豪氣！金菇$38:配菜份量比一邊火鍋店多，放入湯底索晒椰青雞湯精華~泰式明爐蒸烏頭王$240 檸汁：提供額外一碗湯俾我哋自己倒入去防止煮乾，烏頭肉質嫰滑，味道調較得清新開胃，白飯$14/油飯$18:好大一碗，可以叫一碗都足夠﹗推介油飯，薑黃香氣適中﹗凍柚子蜜 $26：香甜冰凍，最緊要好大一杯，兩個人飲一杯都好夠﹗