滿記甜品 (已結業)

一行8人去完suzuki cafe 食dinner, 便到滿記食糖水。我地原本去4樓o個間，不過好full , 要等，等ge時候佢話10/F有位唔洗等，問我地介唔介意上去。唔洗等又點會介意呀。10/Fo個間較大較寬敞，坐得比較舒服。我要了個楊枝金露豆腐花。豆腐花幾有豆味，質地好滑，同楊枝金露個味都好夾。楊枝金露好夠凍，而且非常足料。有芒果粒、西米、柚子肉同透明珠。芒果粒好甜；西米凐煙韌韌；柚子肉不會苦澀；仲有d同西米一樣咁大的透明珠，好爽口，同西米相映成趣。服務都好，除了食甜品，我地仲攤晒各人的手信在枱上食，佢地都無話唔得；食完坐喺度傾偈又無趕客。