楠料理 (已結業)

一向不太食生野既我，今日同同事一齊到公司附近既楠料理食lunch!同事話吾錯，我係第一次係呢度食野!中午一點食飯到處都逼滿人，楠料理都吾例外。同lift竟有大半都係同一目的地，一打開lift 門，已經好多人等緊位。好在訂左位，吾使等。餐廳有迴轉壽司既位同卡檯位，我同兩位同事坐房入面。同事們叫魚生飯食，好快就到，望落都幾新鮮，而且幾足料; 而我就叫燒牛舌定食，等左都差不多20分鐘到，等到好肚餓添。終於到啦! 賣相挺不錯，好香。有成5片厚身既牛舌，我覺得味道好好，牛舌肉質鬆軟又入味又juicy。個黑蒜sauce 都好正，有少少甜同燒烤味道，令我胃口大開! 另外，有一d 野菜同好嫩口既青蘆筍作配搭，感覺healthy 一點，且無咁濟添! 雖然百幾蚊一個lunch 係幾貴(我覺得)，不過真的值得推介這個定食! 連我同事都話下次要試下燒牛舌!其實lunch set 仲有2x 種選擇，當中有不少係熟食，好似我咁吾多食生野既朋友都一定有一款arm 你心水!!