阿久根和牛立燒店 (已結業)

一人餐真係好抵食！佢哋仲有高質嘅和牛，而家餐廳推出優惠價😘$168已經可以享用呢個高質set❤入邊非常之豐富，有A4和牛肉眼兩件，和牛西冷兩件，牛舌，同埋和牛刺身壽司👍更加有貼心嘅沙律，🍲麵豉湯，同埋米飯。從前菜到主食都一一細心安排，真係好正😍和牛好新鮮，好鮮味，自己放上去爐上面燒🔥特別有焦香嘅感覺~🐮和牛嘅厚度適中，唔會難熟之餘，又好有口感。😚所以食落去牛味好香。油脂豐富，非常好味。🥦沙律加上我最鍾意嘅麻醬，香濃嘅芝麻味，令沙律更加清新可口。