抹茶館 (已結業)

今晚我們去咗將軍澳新都城中心二期嘅「抹茶館」食晚飯！我們叫咗吉列豬扒滑蛋丼、鷄肉蕃茄拉麵、泡菜牛肉溫泉蛋丼、抹茶白玉紅豆窩夫新地、芒果忌廉銅鑼燒同什莓芝士忌廉蛋糕銅鑼燒！鷄肉蕃茄拉麵嘅蕃茄湯底好濃，味道超鹹！ 抹茶白玉紅豆窩夫新地嘅白玉唔係好煙韌彈牙， 感覺好似一團未煮熟嘅麵粉咁！ 芒果忌廉銅鑼燒同什莓芝士忌廉蛋糕銅鑼燒嘅銅鑼燒唔係好鬆軟， 餅質非常鬆散， 煎到有啲焦黑同好「嚡」好乾身， 就連麥記嘅熱香餅都好食過他們！ 芒果嘅份量又少， 嗰一小團蕃薯蓉嘅賣相唔太吸引， 味道甜到過膩， 見到個賣相只會令到食慾大大減低！ 「抹茶館」出名主打嘅食物係甜品， 但出品竟然係咁貨不對版， 真係令我們極之失望！