影片
更多
2022-10-23
1000 瀏覽
📌 拉麵Jo - 尖沙咀柯士甸道西1號ELEMENTS圓方水區1樓1030號舖🗓(23/10) 星期日 ⏰ 晚上6點左右 💈特式：途經Element，又未食晚飯，見到有呢間拉麵Jo，曾經上網睇過都見有人介紹係香港比較出名嘅拉麵店，但一試真係失望到極，以下慢慢同大家講。🥩🍔🌭🌮🥗🥯🥘🍲🍝🍣🥟🍤🍱食物：食物方面佢種類都有返咁上下嘅，咁我地今次就叫左1個特製低溫叉燒麵，1個安格斯牛扒溫泉卵蛋飯同1個小食蔥花牛舌，等我同大家講下佢d味道有幾唔掂先。特製低溫叉燒麵 - 首先個湯底唔夠熱，之後完全唔香濃，出前一丁d湯底都好過佢，麵係直身幼麵，一向都覺得拉麵用直幼麵係唔襯，又掛唔到湯，雖然有d店用直幼麵都做得好好食，但唔係佢呢間囉，之後d低溫叉燒係做得好淋身嘅，但真係太肥，食左4片之後已經覺得太肥膩，最後係隻糖心蛋，唔算夠糖心，食左兩三啖麵之後已經見到變左全熟蛋。安格斯牛扒溫泉卵蛋飯 - 呢個飯係做得ok嘅，d安格斯牛扒就有牛味，但略嫌煎得太乾太柴，最緊要講係佢跟餐個麵豉湯，咸到一個點，係咸到飲完要洗腎個隻咸。蔥花牛舌 - 太熟太柴，無牛味，唔想多講。☕️🍵🥤🧋🍺🍷🥃🍹🧉🍾🍶🥛飲品 - 餐廳有供
🗓(23/10) 星期日 ⏰ 晚上6點左右
💈特式：途經Element，又未食晚飯，見到有呢間拉麵Jo，曾經上網睇過都見有人介紹係香港比較出名嘅拉麵店，但一試真係失望到極，以下慢慢同大家講。
🥩🍔🌭🌮🥗🥯🥘🍲🍝🍣🥟🍤🍱
食物：食物方面佢種類都有返咁上下嘅，咁我地今次就叫左1個特製低溫叉燒麵，1個安格斯牛扒溫泉卵蛋飯同1個小食蔥花牛舌，等我同大家講下佢d味道有幾唔掂先。
特製低溫叉燒麵 - 首先個湯底唔夠熱，之後完全唔香濃，出前一丁d湯底都好過佢，麵係直身幼麵，一向都覺得拉麵用直幼麵係唔襯，又掛唔到湯，雖然有d店用直幼麵都做得好好食，但唔係佢呢間囉，之後d低溫叉燒係做得好淋身嘅，但真係太肥，食左4片之後已經覺得太肥膩，最後係隻糖心蛋，唔算夠糖心，食左兩三啖麵之後已經見到變左全熟蛋。
安格斯牛扒溫泉卵蛋飯 - 呢個飯係做得ok嘅，d安格斯牛扒就有牛味，但略嫌煎得太乾太柴，最緊要講係佢跟餐個麵豉湯，咸到一個點，係咸到飲完要洗腎個隻咸。
蔥花牛舌 - 太熟太柴，無牛味，唔想多講。
☕️🍵🥤🧋🍺🍷🥃🍹🧉🍾🍶🥛
飲品 - 餐廳有供應茶水，無叫到飲品。
🍽環境：餐廳環境相當逼夾，店面又細又open，完全無私隱，行過商場嘅人根本就係係你身邊經過咁滯，枱又細又窄，坐得唔舒服。
🤵🏻🤵🏻♀️🤵🏻♂️服務：本身餐廳職員服務都無乜大問題，但因為我本身坐個位近廚房，所以好熱，咁我見有人離坐，就問左其中一個職員可否調一調個位，該職員安排左我調位後，唔知係咪無通知其他同事，之後連續有兩個職員上菜比我都唔係好好態度咁講「下次自己調位要出返聲」，我亦連續兩次回覆返佢地，我唔係自己調位，我有詢問過你地職員，到埋單時佢地先有一個職員同我講佢地了解返唔係我問題，同我講唔好意思。
💰💸價錢：今日咁樣食1個拉麵，1個飯，1個小食，埋單要$400，仲要唔好食，直頭係唔值呢個價。
🐲💬總結：今日真係一個好差嘅用餐體驗，坐得唔舒服/服務態度唔好/食物唔好食/仲要唔抵食，無樣野好。
推薦指數：❤️🤍🤍🤍🤍
特製低溫叉燒麵
$118
23 瀏覽
0 讚好
0 留言
安格斯牛扒溫泉卵蛋飯
$148
15 瀏覽
0 讚好
0 留言
蔥花牛舌
$78
16 瀏覽
0 讚好
0 留言
張貼
