漢城美食 (已結業)

今晚我們去咗旺角廣華街嘅「漢城美食」食晚飯！我們叫咗蔘鷄湯、牛肉炒年糕、韓式石頭飯、炒鷄肉飯、海鮮辣湯飯同什錦麵！蔘鷄湯嘅湯底極之淡而無味，祇係比清水多啲啲味，完全唔覺有蔘味同鷄味，鷄肉嘅肉質非常「嚡」同實！牛肉炒年糕嘅年糕一啲都唔煙韌彈牙，牛肉嘅肉質比較老，醬汁嘅味道亦都係好淡！韓式石頭飯嘅石鍋唔係好夠熱，所以完全無飯焦，但材料都幾豐富！炒鷄肉飯嘅鷄肉肉質唔係好嫩滑，而且比較實！海鮮辣湯飯嘅海鮮份量非常少，除咗睇到嗰兩隻青口之外，就無乜其他海鮮，祇有大量椰菜！什錦麵嘅麵質好腍身，一啲都唔爽口彈牙，材料亦相當少！真係令我們覺得超級失望！