緣聚鮮鍋 (已結業)

FB見有宣傳，生日有優惠，就擔粗粗黎試，又有自助，又有火鍋，可以多選擇。點知一入到門口，個recept勁差態度，都算喇，連周遭既侍應態度都極之差，連切刺生個兩位人士，都可以咁差（因為網上有寫到有時會有吞拿魚刺身，所以去問下，個刺身師傅就話有就會有，咩答案黎🤦🏻‍♀️🤦🏻‍♀️🤦🏻‍♀️其實佢可以講，今日未入有，過一陣可能會有），證明其他食評無寫錯，服務真係十分之差。 佢勝就勝在食物多樣化，但留意，火鍋配料係極之少，少到不能再少，完全不應該主打火鍋，個湯底揀豬骨味，湯底黎左，都覺得係伏架喇，入面一d材料都無，個湯底完完全全係味精湯溝水既味，成個火鍋入面，最好食既係我自己溝的火鍋豉油。 甜品款式同飲品款式係好多，但希望呢間餐廳重質不重量，尤其極度需要檢討一下員工的服務態度。