宏 (已搬遷) 新店位置

承接「烏冬篇」後！到咗本人重點極力推介嘅「甜品篇」！我們叫咗抹茶雪糕拿破崙、雜果窩夫、抹茶軟雪糕芭菲、香草蛋卷、日本草莓蛋卷同抹茶蛋卷！抹茶雪糕拿破崙嘅酥皮非常鬆脆，有濃濃嘅牛油香味！雜果窩夫嘅窩夫非常鬆軟，夾埋雪糕一齊食，外冷內熱同外脆內軟感覺極之正！抹茶軟雪糕芭菲嘅軟雪糕好軟滑，抹茶味好濃郁，有大大粒嘅紅豆，味道唔會太甜，白玉亦好煙韌彈牙！香草味、日本草莓味同抹茶味蛋卷非常香滑鬆軟，甜度恰到好處，而入面嘅忌廉亦相當香甜軟滑，令人回味無窮！係本人嘅必食推介！所有甜品都係他們自創配搭，真係創意十足！呢種感覺真係非筆墨可以形容，要親身嚟食先可以體驗到點解本人會極力推介！