影片
更多
2024-09-26
409 瀏覽
係一間極具日本特式既爐端燒小店, 店內佈滿懷舊日式玩具同海報, order爐端燒的話, 師傅仲會以木板將串燒遞到你面前.澳洲龍蝦尾天婦羅配檸檬鹽 $198龍蝦肉質結實彈牙, 而且份量都幾多, 天婦羅炸漿屬於薄脆,唔會蓋過龍蝦既味道, 點上小許檸檬鹽, 更加提鮮.熊本A4和牛薄燒 $168和牛雪花豐盈, 店員會係你面前用火槍輕灸和牛片, 令油脂味道更香濃, 另外仲可以加埋炸蒜、香蔥同檸檬汁, 令味道更豐富.鹽燒白鰻$59鰻魚肉質鮮嫩, 烤過之後外脆內軟, 唔需要太多調味, 入口已經食到鰻魚既香味同鮮味熊本牛肉串 $46肉質軟腍, 而且富有牛味, 上面沾上一層薄薄的燒烤醬汁, 令味道更濃郁. 宮崎丸美豚肉紫蘇串 $48屬於厚切豚肉, 所以好有口感, 而且肥瘦分明, 加上面頭帶酸既紫蘇醬, 令串燒更juicy.炸雞皮餃子 $68每一粒都漲卜卜, 入面包左肉碎同蔥花, 出面則係炸脆左既雞皮, 非常惹味.牛舌 $88牛舌粒中間呈粉紅色, 口感軟腍唔韌, 咬落仲保持豐富肉汁, 勁好味.甲羅燒 $168蟹殼舖上滿滿蟹膏同蟹肉絲, 加上蛋黃一齊攪拌, 味道鮮甜濃郁. 配上烤過既麵包再搽上牛油, 脆口
係一間極具日本特式既爐端燒小店, 店內佈滿懷舊日式玩具同海報, order爐端燒的話, 師傅仲會以木板將串燒遞到你面前.
澳洲龍蝦尾天婦羅配檸檬鹽 $198
龍蝦肉質結實彈牙, 而且份量都幾多, 天婦羅炸漿屬於薄脆,唔會蓋過龍蝦既味道, 點上小許檸檬鹽, 更加提鮮.
熊本A4和牛薄燒 $168
和牛雪花豐盈, 店員會係你面前用火槍輕灸和牛片, 令油脂味道更香濃, 另外仲可以加埋炸蒜、香蔥同檸檬汁, 令味道更豐富.
鹽燒白鰻$59
鰻魚肉質鮮嫩, 烤過之後外脆內軟, 唔需要太多調味, 入口已經食到鰻魚既香味同鮮味
熊本牛肉串 $46
肉質軟腍, 而且富有牛味, 上面沾上一層薄薄的燒烤醬汁, 令味道更濃郁.
宮崎丸美豚肉紫蘇串 $48
屬於厚切豚肉, 所以好有口感, 而且肥瘦分明, 加上面頭帶酸既紫蘇醬, 令串燒更juicy.
炸雞皮餃子 $68
每一粒都漲卜卜, 入面包左肉碎同蔥花, 出面則係炸脆左既雞皮, 非常惹味.
牛舌 $88
牛舌粒中間呈粉紅色, 口感軟腍唔韌, 咬落仲保持豐富肉汁, 勁好味.
甲羅燒 $168
蟹殼舖上滿滿蟹膏同蟹肉絲, 加上蛋黃一齊攪拌, 味道鮮甜濃郁. 配上烤過既麵包再搽上牛油, 脆口又鮮味.
劍魚腩 $68
帶淡粉紅色, 味道鮮甜而不油膩, 而且肉質具彈性帶小許爽口.
白桃雪葩 $58
外型已經好吸引, 將白桃挖空, 裝入桃肉做成既雪葩, 入口帶鮮甜濃郁既桃味.
張貼
