御石燒 (已結業)

前排去左旺角嘅御石燒食飯價格好親民 六十幾蚊就有一個便當啦👍🏻不過一場黎到，試下佢地既燒肉先🤤招牌菜，特級牛小排，只係$158佢哋嘅特級牛小排份量好足夠，有15塊牛小排，非常豐盛😋😍牛小排嘅花紋好靚好均勻，肉嘅肥瘦適中，質感好好❤️❤️御石燒嘅特色係佢哋嘅石燒爐，呢個爐火力夠強，因為牛小排切得偏薄，所以只需要簡單燒一燒，兩邊就會好快熟牛肉經過石燒爐嘅高溫燒烤，外表有微微焦香，內裡保持肉汁，味道鮮美🧡咁juicy 既牛肉，一定要配埋紫菜味素飯同埋流心蛋蛋黃流出，混合埋牛肉一齊食，味道更加豐富🤤😍御石燒價錢實惠，服務亦都好友善，係一個可以帶埋朋友同家人嚟享受日式燒肉嘅好地方❤️❤️❤️