慶記 (已結業)

生煎胡椒包呢個胡椒包雖然要等10分鐘但絕對值得，因為佢係即制而且皮夠薄，餡料連埋湯汁勁飽滿。煎既時間亦掌握得好好，個底脆而個包軟熟!口水醉雞卷另一個招牌菜式，雞完全唔油同埋唔腥，醬汁非常惹味而層次口感都好豐富。另外雞肉亦都好嫩滑，加上少少辣既醬汁，開胃得嚟又唔漏! 極力推介!紅燒豬軟骨慶麵麵身係類似油麵咁樣，粗身有口感又夠彈牙。湯底既味道好突出而且食落味道好好，豬軟骨既份量多而且軟骨已經炆到好淋，骨膠原十足!麻醬青瓜撈麵清新得嚟調味亦都岩岩好唔會太淡，青瓜絲爽口而且仲有雞肉絲夠嫩，成個撈麵食落好好食，味道好夾又唔膩。