天澄閣

營業中

休息中

今日係中秋節的假期，一早起身就同朋友一齊去踩單車，喺沙田早餐就出發，一路途經大埔又去到馬鞍山，途經馬鞍山有一間近海邊嘅酒店，踩單車嘅時候見到酒店裏邊有間酒樓，時間已經去到中午，一班朋友都決定，不如去飲茶，啲同事好好，見到我哋有單車，就俾個地方我哋擺好，實在太窩心，酒樓裏面見到全場爆滿，相信呢度啲嘢應該唔會太差，我們實在太肚餓，叫咗好多點心其中有一個點心實在令我不得不提，因為真係超好食就係懷舊千層糕，實在係以前細個食嘅味道，一唔一樣，我都食過好多間嘅千層糕，呢一間係最有細個食從前嘅味道，講到呢句說話，有暴露了我的年紀，希望同我同年紀的朋友，介紹吓俾大家，回憶一下，現在實在好難搵到類似呢啲味道啲懷舊點心，還有我以為酒店嘅酒樓會係好貴，點知原來又係草根價錢，住在馬鞍山的人，實在太幸福了，有間咁好味的酒樓，坐得舒服，又有海景，又唔需要同人搭枱，當然仲有好好食嘅食物，埋單之後走的，公關姐姐還介紹我們下次晚飯來吃飯，有晚飯優惠驚喜，我睇完之後，二話不說，就訂咗下星期了，分享俾大家喜歡食好西嘅朋友