Iberians (已結業)

之前留意左呢間餐廳好耐，一直都想去試，今日終於有時間啦。去到見到佢嗰個門口嘅裝飾好靚，好有心思，入邊啲枱同枱之間都有距離，坐得鬆動好舒服。我地睇左餐牌，揀左d野食。前菜分別有個蕃茄凍湯同加利西亞章魚，另外仲有西班牙蛋餅。我哋仲叫咗一杯Mojito，杯嘢飲上嚟呢我哋嘩一聲，佢裝飾好靚，出邊啲冰真係好吸睛。飲落呢佢都好大杯，入邊嗰個酒精都好夠，亦都有薄荷等等嘅配料。蕃茄凍湯上枱仲有兩塊蒜蓉包一齊，個凍湯入邊好足料，啖啖都有蕃茄肉同埋其他配料。嗰個包好脆身，配埋嗰個湯飲好好食。之後就係個章魚啦，佢本身熱辣辣，下邊仲有片薯仔，連埋咁樣一啖咬落去，好爽口好好食。之後就到主菜啦，分別有個細嘅西班牙海鮮炒飯同埋一份西班牙烤乳豬。餐廳好好將兩份主菜同一時間上，咁就可以一齊影相一齊食。個炒飯好足料，上邊見到啲海鮮都好多款，有魚有蝦有青口有墨魚等等。個飯底亦都好Juicy，癡滿晒汁，食落好香。啲海鮮樣樣都好食，好新鮮，尤其是有個係挪威嚟嘅蝦，餐廳好推薦我地去食，食落係幾特別又幾好食。而另外嗰個烤乳豬亦都有好多片嘅乳豬片，每片都好厚，上面個乳豬皮燒得好香，下邊有一層薄薄嘅肥膏同埋乳豬肉。另外佢仲有一啲配菜同