影片
更多
2021-04-06
353 瀏覽
今日響尖沙咀好想食烏冬，上 openrice 睇左成個尖沙咀都無似樣烏冬專門店，最後好唔好彩咁揀左依間黎試，係好不幸嘅一次。去到門口見到門面睇格局都已經覺得伏伏地，英文名叫 mochi cafe, 完全唔關事，牆上有可口可樂套餐果 d poster, 我心諗，乜依間係茶餐廳？ 不過都硬著頭皮入左去試。。。一入到去店員即刻叫你嘟安心上路，要主動問先可以填收埋左嘅個人資料板，注意係資料板，姐係我係睇到曬之前客人嘅資料。(此處不予置評，讀者請自行評價) 坐低睇餐牌，第一個感覺就係貴。。。(響依一步我先不論食物質素) 普遍 items 都係90蚊上下，仲要加一。以及有第二個伏味濃嘅位： 餐牌上每一項都有兩個 option: "手打"烏冬，同埋貴幾蚊嘅稻庭烏冬。試問好地地你個烏冬正正常常，點會要分兩款比人揀。所以潛台詞係，我個"手打"烏冬係垃圾黎好啦到我落 order, 咁我緊係幾大都嗌稻庭烏冬，店員竟然同我講無，"手打"烏冬 o唔 ok? 我心諗，你有半個 menu 都係稻庭烏冬，你竟然響我想嗌嘅時候先同我講無？好。咁無計，最後我同友人都迫住揀左 the other option (aka
去到門口見到門面睇格局都已經覺得伏伏地，英文名叫 mochi cafe, 完全唔關事，牆上有可口可樂套餐果 d poster, 我心諗，乜依間係茶餐廳？ 不過都硬著頭皮入左去試。。。
一入到去店員即刻叫你嘟安心上路，要主動問先可以填收埋左嘅個人資料板，注意係資料板，姐係我係睇到曬之前客人嘅資料。(此處不予置評，讀者請自行評價)
坐低睇餐牌，第一個感覺就係貴。。。(響依一步我先不論食物質素) 普遍 items 都係90蚊上下，仲要加一。
以及有第二個伏味濃嘅位： 餐牌上每一項都有兩個 option: "手打"烏冬，同埋貴幾蚊嘅稻庭烏冬。試問好地地你個烏冬正正常常，點會要分兩款比人揀。所以潛台詞係，我個"手打"烏冬係垃圾黎
好啦到我落 order, 咁我緊係幾大都嗌稻庭烏冬，店員竟然同我講無，"手打"烏冬 o唔 ok? 我心諗，你有半個 menu 都係稻庭烏冬，你竟然響我想嗌嘅時候先同我講無？好。
咁無計，最後我同友人都迫住揀左 the other option (aka 垃圾), 分別嗌左照燒雞扒同埋豚肉(四塊) (ps: 佢 menu 真係有括住寫四塊，唔知係咪試過比人投訴點解得四塊？), 兩個都係配魚介豬骨湯。
好啦終於上菜，賣相絕對稱唔上吸引，石鍋碗邊一圈有好多萬年漬，湯就渣渣聲咁滾緊，起曬泡咩都睇唔到，面頭有一隻生雞蛋同一堆豆苗。相就無啦，因為我果時都未嬲到打算上黎寫食評，所以無影低。
豚肉：正常，有四塊。
雞扒：大尾督果類 bbq 放題嘅冰鮮雞扒質素，暫時忘記價錢嘅話係可接受。
烏冬：正如我所講，嗌嘅時候我已經預左係咁上下。
湯底：重點重點重點。重。點。 我有理由相信成個湯底根本係用飽和嘅鹽水漿滾出黎，無魚介味無豬骨味，只有鹹，好鹹同極鹹，係鹹到苦，鹹到辣，根本鹹到條脷都壞埋。
同碗野搏鬥到一半真係頂唔順，想問店員拎兩杯水回回血，佢拎到黎，杯水 d 煙仲多過碗麵。日本餐廳你比滾水我？你唔問埋我想飲香片定鐵觀音？最後將計就計，成杯水倒落個烏冬度做稀釋，好過無。
食完依碗野之後我可以講係正式患上 ptsd, 對於鹹味嘅食物我感到絕對恐懼。食完之後我成日飲左好多好多水，但都仲不停覺得自己成咀都係鹹味。
總結
先講少少題外話，香港不乏一種茶餐廳，佢地入面咩都有得食，除左正路果 d 常餐特餐小炒，會連日式拉麵烏冬，雲南米線，海南雞飯，馬來咖哩，珍珠奶茶等等等等都有，總之就咩都有得食。出到黎嘅食物質素好多時都強差人意，依種茶餐廳響我心目中就係飲食界嘅陳百祥，食物係唔專業，唔正式，唔入流嘅。
而今次好遺憾地，依間響 openrice 有四百幾個伸脷(我沒有在暗示什麼), 評為必食"日式餐廳"所煮出黎嘅烏冬，係比陳百祥煮出黎嘅更差！ 係足足差到我咁大個人要專登上 openrice 開 ac 寫依篇千字處女食評。
食評寫到依度，最後借位一問，大家有好嘅心理醫生以及洗腎介紹嗎？多謝。
$193
4 瀏覽
0 讚好
0 留言
滾水
3 瀏覽
0 讚好
0 留言
張貼
