金蘭花泰國餐廳 (已結業)

星期日晚大概9pm到達，一來到已被提醒10pm廚房收工，即急急腳睇menu、落單，未食已感覺到侍應趕收舖的壓力。趕在9:30pm last order前加點香葉辣椒肉碎炒飯，轉頭卻送來香葉辣椒肉碎--屬於小菜，並沒有飯。當時四眼男侍應一擺低喺枱，我一望好奇怪，問咗聲咩唻？男侍應聽到都冇理，竟然頭也不回就走了。我唯有叫住佢問清楚，先知原來係香葉辣椒肉碎，我話我係叫炒飯，佢就話幫我換啦，就拎走碟嘢去篤機入單，我怕自己講得唔清楚，走上前好聲好氣同男侍應講清楚，係香葉辣椒肉碎炒飯⋯男侍應極不耐煩，粗聲粗氣話得得得得得，依家咪幫你換囉！！自問一直都禮貌周周，成餐飯都匆忙趕急進食，唯恐阻人收工，因為睇得出男侍應收工大過天！而該名男侍應身穿便服，並不似是其他侍應，到底他是餐廳經理？甚至老闆？竟然為了收工而得罪食客？咁想收工，不如收檔！食物非常一般，服務十級差劣，絕對絕對不會有下次。