影片
更多
2019-01-13
961 瀏覽
話說今日中午約咗朋友，朋友公司係新蒲崗，所以順理成章就係附近先食飯，一邊食一邊聊！經過呢間慶樺，就呢度啦！都算滿座，無選擇，坐咗收銀台旁邊張枱！要自己填點心紙，我地見有 4人商務套餐既餐單紙，咁就填啦！個名係商務套餐，應該唔會好差掛 ！明明寫住 11:00 am 開始供應，點知俾單一位比較年長既侍應，好晦氣就話：無呀！然後俾個收銀阿姐，呢位仲無禮貌，瞄一瞄張單，然後眼角向上，唔知係咪同我地講嫁！一路行一路話：無呀！無套餐呀。。。哇！咁搞笑，哈！正想起身走人！有位男侍應走過來，話：有呀！我幫你落！唉！咁就算啦！落單後，個位男侍應，馬上俾幾碗 “例湯”！例牌味精湯，無所謂，反正都係送既！我飲一啖，無再飲！其他人飲咗半碗！先來一碟牛河，味道唔錯！夠鑊氣！仲好大碟添 ！再來上湯時菜，係白菜仔，又係好大鍋，菜都算新鮮，已經預咗上湯係味精,因為例湯味精超濃！但只要菜新鮮都無問題！到點心，三碟一齊到，蝦餃合格！排骨都可以！但鳳爪就不敢恭維，又係超濃味精！無食嗮！跟住個位男侍應態度友善既，送碟桂花糕你地食吖 ！唔錯！好多桂花同杞籽！小菜都算 OK 既，唔錯既，價錢都唔貴，街坊生意！點心就麻麻地！但見到
經過呢間慶樺，就呢度啦！都算滿座，無選擇，坐咗收銀台旁邊張枱！
要自己填點心紙，我地見有 4人商務套餐既餐單紙，咁就填啦！個名係商務套餐，應該唔會好差掛 ！
明明寫住 11:00 am 開始供應，點知俾單一位比較年長既侍應，好晦氣就話：無呀！
然後俾個收銀阿姐，呢位仲無禮貌，瞄一瞄張單，然後眼角向上，唔知係咪同我地講嫁！一路行一路話：
無呀！無套餐呀。。。
哇！咁搞笑，哈！正想起身走人！
有位男侍應走過來，話：有呀！我幫你落！
唉！咁就算啦！
落單後，個位男侍應，馬上俾幾碗 “例湯”！
例牌味精湯，無所謂，反正都係送既！
我飲一啖，無再飲！其他人飲咗半碗！
先來一碟牛河，味道唔錯！夠鑊氣！仲好大碟添 ！
再來上湯時菜，係白菜仔，又係好大鍋，菜都算新鮮，已經預咗上湯係味精,因為例湯味精超濃！但只要菜新鮮都無問題！
到點心，三碟一齊到，蝦餃合格！排骨都可以！
但鳳爪就不敢恭維，又係超濃味精！無食嗮！
跟住個位男侍應態度友善既，送碟桂花糕你地食吖 ！
唔錯！好多桂花同杞籽！
小菜都算 OK 既，唔錯既，價錢都唔貴，街坊生意！點心就麻麻地！但見到晚市D 海鮮價牌就唔算平！
盛惠 $208, 午市街坊價, OK 既！
最極品係個收銀阿姐！囂張到莫名其妙！
如果係老闆娘，自作自受，無計 ！
如果係員工，就替老闆擔心，負責趕客，哈！
怕怕 ！唔會特別專程來喇！
張貼
