栢檔極品海南雞飯 (已結業)

依家飲食要健康啲，栢檔極品海南雞飯就標榜"無激素、無抗生素"，咁就要試下。海南雞當然係必試，仲要叫咗肉餅，豬頸肉同埋小食，原來樣樣都好大份，3個人都食到好飽，唔怪之得有輕量版本。- 栢檔極品海南雞飯"無激素、無抗生素"雞，食落得安心啲。雞肉嫩滑，味道濃郁，無乜皮下脂肪。海南雞必有既三色醬，樣樣都要點下，酸辣汁特別好食。油菜都係大大碟。- 香煎手刴魚香肉餅飯底面都煎得好靚，金黃色，啱啱有少少焦香，但係肉質好鬆化，送飯一流。- 秘方滷燒豬頸肉飯燒得啱啱好，好香口，都有配三色醬。- 香麻辣鳳爪- 麻辣豬耳仔兩個小食都係小辣，好開胃，最啱share 食。- 皇牌無味精靚湯好足料，油膩添，雖然唔係貴價湯，但似阿媽煲既湯，最啱屋企冇時間煲既人。總而言之，樣樣都好足料，好大份，又健康，食海南雞飯又多一個好地方。