影片
更多
2017-04-26
289 瀏覽
自從母親搬咗去同家姐住之後，《富臨》已經成為我和家人的新飯堂。早前閱報得知，該集團酒家推出咗幾款特價海上鮮同勁扺食燒鵝皇，見價錢非常經濟，所以趁兒子閉關準備考試前，就一家人來吃頓晚飯。以前在北角上班時，經常會和同事來這間《富臨皇宮》飲茶，所以對店內環境亦頗熟識。而這晚我們就被安排坐在偏廳，人客較稀少，比大堂那邊寧靜，加上場地工整，裝潢骨子企理，以淺色為主調，樓底又夠高，感覺寬敞開揚。既然叫得飯堂，對《富臨》的餐牌當然一點也不點陌生，只是不同嘅分店，喺食物價格和項目選擇上，會有些微分別。一心為「海鮮最強」和燒鵝皇而來，加上侍應大力推介，那就不作它選，再加客燉湯和小菜，應該足夠三口子享用。先來的金銀菜燉白肺 ($128)，雖然未知是否原盅燉，但非常之大窩，肯定足夠四、五個人分享。樓面阿姐十分主動，湯窩一端上，便立即走過來代為分湯，不用自己動手。細看湯窩材料，除了有金銀菜同豬肺外，還有瘦肉、雞腳、紅棗等，用料十足。再舀起色澤清澈的湯水一嘗，清甜滋補又不油膩，趁熱飲有暖身作用。而老公就讚豬肺入口夠曬滑溜，軟腍得來又有彈性，而且無臊味，好有水準，還推介不愛吃內臟的兒子試試。海鮮揀咗兩款，果皮蒸鮑
自從母親搬咗去同家姐住之後，《富臨》已經成為我和家人的新飯堂。早前閱報得知，該集團酒家推出咗幾款特價海上鮮同勁扺食燒鵝皇，見價錢非常經濟，所以趁兒子閉關準備考試前，就一家人來吃頓晚飯。
以前在北角上班時，經常會和同事來這間《富臨皇宮》飲茶，所以對店內環境亦頗熟識。而這晚我們就被安排坐在偏廳，人客較稀少，比大堂那邊寧靜，加上場地工整，裝潢骨子企理，以淺色為主調，樓底又夠高，感覺寬敞開揚。
既然叫得飯堂，對《富臨》的餐牌當然一點也不點陌生，只是不同嘅分店，喺食物價格和項目選擇上，會有些微分別。一心為「海鮮最強」和燒鵝皇而來，加上侍應大力推介，那就不作它選，再加客燉湯和小菜，應該足夠三口子享用。
先來的金銀菜燉白肺 ($128)，雖然未知是否原盅燉，但非常之大窩，肯定足夠四、五個人分享。樓面阿姐十分主動，湯窩一端上，便立即走過來代為分湯，不用自己動手。細看湯窩材料，除了有金銀菜同豬肺外，還有瘦肉、雞腳、紅棗等，用料十足。再舀起色澤清澈的湯水一嘗，清甜滋補又不油膩，趁熱飲有暖身作用。而老公就讚豬肺入口夠曬滑溜，軟腍得來又有彈性，而且無臊味，好有水準，還推介不愛吃內臟的兒子試試。
海鮮揀咗兩款，果皮蒸鮑魚 ($108/六隻) 接著送上，而且還附有刀叉，賣相矜貴。鮑魚 Size 雖然不算很巨形，但亦大小適中，以鮑魚殼墊底，面頭鋪上蔥絲和果皮。切開一嘗，鮑魚彈牙不過老，火候拿捏得十分準繩，蒸得時間剛剛好，尤其愛吃面頭的果皮，雖然無陳皮咁香口，但亦有增加鮑魚鮮味之效。
而另一客海鮮就揀咗金蒜銀絲蒸帶子 ($88份/四隻) ，記得這味菜之前喺灣仔《富臨》吃過，$88 六隻，不過依家百物騰貴，為了留住食客，價錢沒變，分量自然要稍作調整。這晚的帶子，同平時見慣的扇貝，外形雖然有點不同，而且肉質亦不及之前吃過咁滑嫩，但亦算大隻爽口，加上粉絲因吸收了帶子的鮮、蒜蓉的香和豉油的鹹，變得異常美味，特別好吃。
酒樓做緊特價，極品燒鵝皇非常抵食，例 (2-4位) 竟然只收 $20、半隻 (5-7位) $40、一隻 (8位或以上) 都只是 $78，相對正價價錢，例 $100、半隻 $200、壹隻 $400，實在平得太任性，絕對是非吃不可。可惜這晚人丁單薄，只可以點例牌，但原來分量也不少，而且面頭竟然還附上燒鵝髀一隻，早知就叫免斬啦！拿著吃，那種滋味，非筆墨可形容。碟燒鵝當然亦沒令人失望，入口皮脆肉嫩，甘香不膩，而且皮下沒多餘脂肪，絕不怕吃到一口油。
壓尾選了個家常小菜菠蘿生炒骨 ($68)，這客生炒骨雖然唔及咕嚕肉咁啖啖肉，但亦炒得火候十足，肉多骨少，配上菠蘿和爽口的青紅椒，酸酸甜甜，非常惹味，既開胃又下飯，不過記得要趁熱吃，否則煮得再好都是浪費。
順帶一提，這裡的晚市茶芥，同午市其實分別不大，茶位 $10，花生小食亦只收 $10，非常經濟抵食，而且餐牌上成日都會 Keep 住有一、兩款特價，難怪有一定嘅慳家捧場客。
張貼
