富士山 (已結業)

近期銅鑼灣新開既一間地道居酒屋，入面環境充滿著日本風，而且食物質素比其他居酒屋高不少，絕對係愛吃居酒屋既好地方。兩個人黎到呢間居酒屋，試左個日式炸雞翼，漁夫火炙丼再加松葉蟹甲海鮮丼，佢地除左丼飯出名之外，仲有好多壽司手卷同日式小吃都好味，不過最驚喜既係以下呢一樣！松葉蟹甲海鮮丼，睇相已經覺得好正，黎到既時候比想像既差唔多，佢上面個甲羅燒真係好正，再加埋有好多魚生既多丼飯，真係呢個價錢好難食到。之後個漁夫火炙丼，佢入面用既鰻魚同帶子好新鮮，條鰻魚好肥，又肉厚，夾埋帶子食真心一流。最後個日式炸雞翼好有風格，唔係出面既普通炸雞翼，炸得好有水準，雖然係單骨，但啲雞翼都好大隻，好好食。試左一次，整體都好好，價錢又合理，下次會再試多幾款唔同既野食！